[sam_zone id=1]

Guðmundur Helgi áfram í stjórn CEV

Guðmundur Helgi Þorsteinsson náði í gær endurkjöri til stjórnar CEV þegar ársþing CEV fór fram.

Ársþing CEV var haldið í gær í Vínarborg. Þingið átti að fara fram í Rússlandi en var fært til Vínar vegna Kórónuveirufaraldursins til að auka þátttöku á þinginu til muna.

Þingið var haldið þrátt fyrir mikla aukningu smita í Evrópu undanfarið en um kosningaþing var að ræða að þessu sinni og mikilvægt að halda það upp á skipulag blakstarfsins í Evrópu til framtíðar.

Blaksamband Íslands sendi ekki fulltrúa á þingið að þessu sinni vegna Kórónuveirufaraldursins og fóru vinir okkar frá Færeyjum með okkar atkvæði. Þó mætti Guðmundur Helgi Þorsteinsson á þingið enda í endurkjöri til stjórnar CEV. Guðmundur hlaut kjörgengi eftir fyrstu umferð kosninganna í gærmorgun og mun því sitja í stjórn CEV næstu 4 ár.

Tveir voru í kjöri til forsetaembættis CEV. Aleksandar Boricic óskaði eftir endurkjöri og hinn ungi Hanno Pevkur bauð sig fram á móti honum. Boricic fékk meiri hluta atkvæða á þinginu og var því kosinn forseti CEV til næstu fjögurra ára.

Blaksamband Íslands óskar Guðmundi Helga til hamingju með kjörið í stjórn CEV og öðrum sem komust að í stjórnina.

Nánari upplýsingar um kjör á þingi CEV má finna hér

Frétt fengin af heimasíðu BLÍ.