[sam_zone id=1]

Álftanes hafði betur gegn Völsungi

Álftanes tók á móti Völsungi í Mizunodeild kvenna en leikið var í Ásgarði.

Álftanes byrjaði leikinn betur með sigri í fyrstu tveimur hrinunum, 25-14 og 25-22. Völsungur beit frá sér í þriðju hrinu sem gestirnir unnu 23-25.

Álftanes kláraði svo leikinn í fjórðu hrinu með sigri 25-15. Erla Rán Eiríksdóttir fór hamförum í leiknum og skoraði 30 stig. Stigahæst hjá Völsungi var Rut Gomez með 15 stig.

Liðin mætast aftur á morgun en Álftanes er nú komið í 9 stig en situr þó enn á bottni deildarinnar.