[sam_zone id=1]

Filip Szewczyk íþróttamaður KA

Filip Szewczyk var valinn íþróttamaður KA fyrir árið 2018 þegar 91 árs afmæli félagsins var fagnað í KA-heimilinu í gær.

Filip er spilandi þjálfari karlaliðs KA í blaki. Hann var lykilmaður í liði KA sem vann alla titla sem í boði voru árið 2018.

Liðið vann Íslands-, Bikar- og Deildarmeistaratitil auk þess sem liðið er meistari meistaranna. Filip var kjörinn besti leikmaður deildarinnar sem og besti uppspilarinn á síðustu leiktíð. Þá er KA liðið á toppi Mizunodeildarinnar það sem af er núverandi leiktíð.

Deildir innan KA útnefndu íþróttamann úr sínum röðum sem íþróttamann KA en það voru þau Alexander Heiðarsson (júdódeild), Anna Rakel Pétursdóttir (knattspyrnudeild), Filip Szewczyk (blakdeild) og Martha Hermannsdóttir (handknattleiksdeild). Öll hlutu þau formannsbikar KA sem er gefinn af fyrrum formönnum félagsins.

Nánari umfjöllun um verðlaunahafa og afmælishátíðina má finna á vef KA.

Frétt fengin af kaffid.is 

Myndina tók Þórir Tryggvason