[sam_zone id=1]

Pólland er Heimsmeistari í blaki karla 2018 !

Í kvöld fór fram úrslitaleikur á Heimsmeistaramóti karla en úrslitaleikurinn fór fram í Torino á Ítalíu.

Það voru ríkjandi heimsmeistarar Póllands sem mættu Brasilíu í úrslitum í kvöld og var fyrirfram búist við sigri Brasilíu sem fór nokkuð auðvelt í gegnum undanúrslit þegar þeir sigruðu Serbíu 3-0. Pólverjar mættu hinsvegar Bandaríkjunum í gærkvöldi og fór sá leikur í 5 hrinur og því búist við nokkuð þreyttum pólverjum í leikinn í kvöld.

Það var hinsvegar ekki að sjá því að Pólland byrjaði leikinn af miklum krafti með sterkum sigri í hörku hrinu sem endaði 28-26. Ekki skánaði það fyrir Brasilíu þegar Pólland vann aðra hrinu 25-20 og komu sér í góða stöðu.

Brasilía hafði ekki farið í gegnum leik á HM án þess að vinna hrinu í síðustu 28 leikjum, það leit því ekki vel út fyrir þá þegar pólverjar virtust ætla að kaffæra þeim í þriðju hrinu en Pólland byrjaði hrinuna af miklum krafti og komst ekkert framhjá öflugri hávörn Póllands. Þá var þjálfari Brasilíu í einhverri tilraunarstarfsemi með stórstjörnu liðsins Bruno, uppspilara og fyrirliða Brasilíu á bekknum.

Pólland náði góðri forystu í þriðju hrinu og virtist allt stefna í öruggan sigur en brassarnir komu þó til baka og buðu uppá hörku endasprett sem lauk þó með sigri Póllands 25-23.

Pólland ver því heimsmeistaratitil sinn frá árinu 2014 eftir 3-0 sigur á Brasilíu.

Heilt yfir var leikur Póllands mun agaðri og þá var sóknarleikur liðsins mikið öflugri en hjá Brasilíu. Brassarnir virtust ekki hafa neina orku né trú á leiknum á meðan þeir pólsku gáfu ekkert eftir.

Stigahæstur í leiknum var Bartosz Kurek leikmaður Póllands með 24 stig. Stigahæstur í liði Brasilíu var Wallace De Souza með 14 stig.

Að venju var valið draumalið að móti loknu og voru það eftirfarnadi leikmenn:

Besti kantur: Michal Kubiak  – Pólland
2. Besti kantur: Douglas Souza – Brasilía
Besta miðja: Piotr Nowakowski – Pólland
2. Besta miðja: Lucas Saatkamp – Brasilía
Besti uppspilari: Micah Christenson – Bandaríkin
Besti frelsingi: Pawel Zatorski – Pólland
Besti Díó: Matthew Anderson – Bandaríkin

MVP: Bartosz Kurek – Pólland