[sam_zone id=1]

HM 2018 : Holland sigraði Brasilíu

Gríðarlega óvænt úrslit urðu í gær þegar Hollendingar sigruðu Brasilíu í frábærum spennuleik.

Brasilíumenn voru fyrir mótið taldir eitt allra líklegasta liðið til að sigra mótið og þeir sýndu styrk sinn þegar þeir sigruðu Frakkland í vikunni. Sá sigur dugði þó skammt í dag þegar liðið tapaði óvænt fyrir Hollendingum, 3-1. Bandaríkjamenn náðu svo í sterkan sigur gegn Rússum í C-riðli og virðist sá riðill ansi sterkur. Serbar sigruðu Túnis nokkuð örugglega í sama riðli og fer spennan nú að magnast þegar liðin leika síðustu leiki sína í þessari fyrstu umferð.

Dagurinn í dag er sjötti keppnisdagur mótsins og mætast Holland og Frakkland klukkan 17:30 að íslenskum tíma. Alls eru leikir dagsins átta talsins og verða leikir átta talsins hvern dag í fyrstu umferðinni. Henni lýkur á þriðjudag og þá taka við milliriðlar.

Úrslit gærdagsins

A-riðill

Belgía 2-3 Slóvenía (25-22, 25-21, 19-25, 23-25, 13-15). Bram Van Den Dries skoraði 18 stig fyrir Belgíu en Slóveninn Alen Sket var stigahæstur allra með 21 stig.

Ítalía 3-1 Argentína (22-25, 25-15, 25-23, 28-26). Osmany Juantorena skoraði 23 stig fyrir Ítalíu en Cristian Poglajen skoraði 18 stig fyrir Argentínu.

B-riðill

Kanada 3-1 Kína (25-22, 25-19, 21-25, 25-23). John Gordon Perrin skoraði 26 stig fyrir Kanada en Jiang Chuan skoraði 19 stig fyrir Kína.

Holland 3-1 Brasilía (21-25, 25-20, 25-20, 25-21). Wouter Ter Maat var stigahæstur hjá Hollandi með 16 stig en Douglas Souza og Lucas Saatkamp skoruðu 13 stig hvor fyrir Brasilíu.

C-riðill

Serbía 3-1 Túnis (20-25, 25-20, 25-21, 25-20). Drazen Luburic var stigahæstur hjá Serbíu með 16 stig en Ali Bongui átti stórleik fyrir Túnis og skoraði 27 stig.

Bandaríkin 3-1 Rússland (25-23, 20-25, 25-23, 25-20). Aaron Russell skoraði 17 stig fyrir Bandaríkin en Dimitriy Muserskiy, Maxim Mikhailov og Egor Kliuka skoruðu 13 stig hver fyrir Rússa.

D-riðill

Kúba 1-3 Íran (25-17, 18-25, 22-25, 19-25). Osniel Lazaro Melgarejo Hernandez skoraði 22 stig fyrir Kúbu en Amir Ghafour var stigahæstur hjá Íran með 14 stig.

Pólland 3-1 Finnland (25-20, 26-28, 25-16, 25-15). Artur Szalpuk skoraði 19 stig fyrir Pólland en Samuli Kaislasalo var stigahæstur hjá Finnlandi með 14 stig.