[sam_zone id=1]

Þróttur Nes semur við tvo erlenda leikmenn

Blakdeild Þróttar Neskaupstað hefur samið við tvo spænska leikmenn fyrir komandi tímabil.

 

Þróttarar hafa góða reynslu af því að fá Spánverja til liðs við sig og nú bætast tveir við. Þau Laura Gazquez Ortega og Miguel Ángel Ramos Melero munu leika með meistaraflokkum félagsins í vetur en þau eru bæði kantsmassarar. Laura er 25 ára gömul og 172 cm á hæð. Hún hefur leikið í annarri deildinni á Spáni í mörg ár með liði Almería en lék einnig eitt tímabil í Belgíu, þá sem frelsingi. Hún er öflug í móttöku og mun að öllum líkindum gefa liðinu mikinn stöðugleika í móttöku og vörn. Hún er einnig mikill strandblakari og hefur tekið þátt í fjölda strandblaksmóta á Spáni.

Laura (7) smassar í deildarleik á Spáni.

Miguel er margreyndur 36 ára gamall kantsmassari sem hefur leikið í efstu tveimur deildum Spánar. Hann er 197 cm á hæð og hefur leikið með yngri landsliðum Spánar auk þess að taka þátt í alþjóðlegum mótum með félagsliðum sínum í Málaga og Almería.