[sam_zone id=1]

Besti leikmaðurinn í Mizuno-deild kvenna hjá blakfréttum

Við hér á blakfréttum gerðum nýliðið tímabil upp á síðunni okkar nú um dagin og hér á næstu dögum ætlum við að birta niðurstöður okkar.
Við gerðum upp tímabilið með því að velja bestu leikmenn og þjálfara í hvorri deild fyrir sig ásamt því að velja lið ársins.
Við tökum það einnig fram að þetta val er ekkert skilt við árlegt val BLÍ enda hefur engin okkar atkvæðarétt þar heldur er þetta einungis pennarnir hér á þessari síðu sem hafa valið hver fyrir sig.

Nú er komið að því að birta það hver er besti leikmaðurinn í Mizuno-deild kvenna, atkvæðagreiðsla fór þannig fram að hver og einn penni hér á síðunni valdi topp 3 og fékk efsta sætið 5 stig, annað sæti 3 stig og þriðja sætið 1 stig. Það var því hægt að fá mest 25 stig í valinu okkar.

En besti leikmaður deildarinnar í ár er: Ana Maria Vidal Bouza

Mynd frá A & R Photos.

Ana Maria er besti leikmaðurinn í Mizuno-deild kvenna þetta árið. Ana Maria var frábær með liði Þróttar N. í ár sem vann alla titla sem í boði voru. Hún spilaði í ár sem uppspilari eftir að hafa verið mest á kanntinum árið áður. Það virðist sem sú breyting hafi virkað því Ana Maria blómstraði í nýrri stöðu í vetur. Hún stjórnaði leik liðsins frábærlega og var einnig einn besti varnarmaður liðsins.
Ana Maria var einn af leiðtogum liðsins og lykilmaður í velgengni þeirra í ár.

Ana Maria er því vel að þessum verðlaunum kominn og óska blakfréttir Ana Maria innilega til hamingju með þessa tilnefningu.

Allir sem fengu atkvæði:

Ana Maria Vidal Bouza 23 stig
Paula Del Olmo Gomez 10 stig
Erla Rán Eiríksdóttir 6 stig
Helena Kristín Gunnarsdóttir 5 stig
Hjördís Eiríksdóttir 1 stig