[sam_zone id=1]

Besti leikmaðurinn í Mizuno-deild karla hjá blakfréttum

Við hér á blakfréttum gerðum nýliðið tímabil upp á síðunni okkar nú um dagin og hér á næstu dögum ætlum við að birta niðurstöður okkar.
Við gerðum upp tímabilið með því að velja bestu leikmenn og þjálfara í hvorri deild fyrir sig ásamt því að velja lið ársins.
Við tökum það einnig fram að þetta val er ekkert skilt við árlegt val BLÍ enda hefur engin okkar atkvæðarétt þar heldur er þetta einungis pennarnir hér á þessari síðu sem hafa valið hver fyrir sig.

Nú er komið að því að birta það hver er besti leikmaðurinn í Mizuno-deild karla, atkvæðagreiðsla fór þannig fram að hver og einn penni hér á síðunni valdi topp 3 og fékk efsta sætið 5 stig, annað sæti 3 stig og þriðja sætið 1 stig. Það var því hægt að fá mest 25 stig í valinu okkar.

En besti leikmaður deildarinnar í ár er: Miguel Mateo Castrillo

Mynd frá A & R Photos.

Miguel er að mati blakfrétta besti leikmaður deildarinnar í ár en hann hafði betur í hörkubaráttu við Quentin Moore sem var skammt undan í kosningunni. Miguel var að leika sitt fyrsta tímabil hér á íslandi og má segja að hann hafi tekið deildina með trompi.
Miguel var langstigahæsti leikmaður deildarinnar með 565 stig, en meðaltalið í hrinu hjá honum var 8,31 stig sem er líka langbest í deildinni. Hann var burðarás í liði Þróttar N. í vetur og var nálægt því að koma liðinu í úrslit íslandsmótsins en þar tapaði liðið í jöfnu einvígi gegn HK.

Miguel er því vel að þessum verðlaunum kominn og óska blakfréttir Miguel innilega til hamingju með þessa tilnefningu.

Allir sem fengu atkvæði:

Miguel Mateo Castrillo 21 stig
Quentin Moore 17 stig
Filip Szewczyk 4 stig
Ævarr Freyr Birgisson 1 stig
Gary House 1 stig
Mason Casner 1 stig