[sam_zone id=1]

Besti ungi leikmaður Mizuno-deild karla hjá blakfréttum

Við hér á blakfréttum gerðum nýliðið tímabil upp á síðunni okkar nú um dagin og hér á næstu dögum ætlum við að birta niðurstöður okkar.
Við gerðum upp tímabilið með því að velja bestu leikmenn og þjálfara í hvorri deild fyrir sig ásamt því að velja lið ársins.
Við tökum það einnig fram að þetta val er ekkert skilt við árlegt val BLÍ enda hefur engin okkar atkvæðarétt þar heldur er þetta einungis pennarnir hér á þessari síðu sem hafa valið hver fyrir sig.

Nú er komið að því að birta það hver er besti ungi leikmaðurinn í Mizuno-deild karla, atkvæðagreiðsla fór þannig fram að hver og einn penni hér á síðunni valdi topp 3 og fékk efsta sætið 5 stig, annað sæti 3 stig og þriðja sætið 1 stig. Það var því hægt að fá mest 25 stig í valinu okkar. Viðmiðið var að leikmenn 20 ára og yngri þegar tímabilið hófst væru gjaldgengir þ.e.a.s. leikmenn fæddir 1997 og seinna.

En besti ungi leikmaður deildarinnar í ár er: Máni Matthíasson

Máni fékk yfirburðarkosningu hér á síðunni en það voru allir sem settu Mána í efsta sætið hjá sér og fékk hann því fullt hús stiga.
Máni er búinn að eiga mjög gott tímabil með HK og er þetta hans annað tímabil sem aðaluppspilari liðsins. Máni hefur bætt sig mjög mikið og er að verða einn besti uppspilari deildarinnar.
Máni er í öðru sæti yfir bestu uppspilara deildarinnar skv. tölfræði síðu Blí og er það einungis Filip uppspilari KA sem var einmitt í liði ársins hér á síðunni sem skákar honum þar.

Máni er því vel að þessum verðlaunum kominn og óska blakfréttir Mána innilega til hamingju með þessa tilnefningu.

Allir sem fengu atkvæði:

Máni Matthíasson 25 stig
Sigþór Helgason 9 stig
Galdur Máni Davíðsson 8 stig
Hilmir Berg Halldórsson 3 stig