[sam_zone id=1]

Besti þjálfarinn í Mizuno-deild kvenna hjá blakfréttum

Við hér á blakfréttum gerðum nýliðið tímabil upp á síðunni okkar nú um dagin og hér á næstu dögum ætlum við að birta niðurstöður okkar.
Við gerðum upp tímabilið með því að velja bestu leikmenn og þjálfara í hvorri deild fyrir sig ásamt því að velja lið ársins.
Við tökum það einnig fram að þetta val er ekkert skilt við árlegt val BLÍ enda hefur engin okkar atkvæðarétt þar heldur er þetta einungis pennarnir hér á þessari síðu sem hafa valið hver fyrir sig.

Nú er komið að því að birta það hver er besti þjálfarinn í Mizuno-deild kvenna, atkvæðagreiðsla fór þannig fram að hver og einn penni hér á síðunni valdi topp 3 og fékk efsta sætið 5 stig, annað sæti 3 stig og þriðja sætið 1 stig. Það var því hægt að fá mest 25 stig í valinu okkar.

En besti þjálfari deildarinnar í ár er: Borja Gonzalez

Mynd frá A & R Photos.

Borja þjálfari Þróttar N. var valinn besti þjálfari tímabilsins hjá blakfréttum og var það samdóma álit allra. Borja fékk fullt hús eða 25 stig. Borja er vel af þessu kominn en eins og kollegi sinn hjá KA þá skilaði hann öllum titlunum í hús. Það voru ekki margir sem bjuggust við þessum árangri hjá Þrótti enda liðið mjög ungt, en Borja náði að búa til frábært lið sem var stórskemmtilegt að fylgjast með í vetur og á eftir að vera mjög gott á komandi árum.

Borja er því vel að þessum verðlaunum kominn og óska blakfréttir Borja innilega til hamingju með þessa tilnefningu.

Allir sem fengu atkvæði:

Borja Gonzalez 25 stig
Sladjana Smiljanic 10 stig
Emil Gunnarsson 8 stig
Eduardo Berenguer Herrero 1 stig
Filip Szewczyk 1 stig