[sam_zone id=1]

Daniele Mario Capriotti endurráðinn sem landsliðsþjálfari kvenna

Blaksamband Íslands hefur endurráðið Daniele Capriotti sem yfirþjálfara fyrir kvennalandsliðin í blaki. Landsliðsnefndin er að skoða verkefni fyrir næstu árin með landsliðin um þessar mundir.

Daniele Capriotti var ráðinn landsliðsþjálfari kvennalandsliðsins vorið 2014. Frá þeim tíma hefur hans vinna snúist einnig um uppbyggingu allra landsliða hjá konunum en eins og vitað hafa verið sett á laggirnar ný landslið fyrir yngsta aldurshópinn.

Landsliðsnefndin hefur verið í samningaviðræðum við Daniele frá því í sumar og náðust samningar núna í byrjun september. Mun Daniele áfram sinna því starfi sem hann hefur unnið með undanfarin ár en mikil ánægja er með störf hans. Frábær árangur íslenska kvennalandsliðsins á þessu ári bera merki þjálfarans þar sem stúlkurnar unnu EM SCD í Luxemborg og ekki var síðra afrek að komast í 2. umferð undankeppni HM þar sem liðið spilaði við sterkustu þjóðir Evrópu.

Framundan eru U17 og U19 ára verkefni í NEVZA mótum. Auk þess hefur U17 ára lið stúlkna verið skráð í undankeppni EM en sú keppni hefst í janúar 2018.

(Frétt tekin af heimasíðu BLÍ)

Social media & sharing icons powered by UltimatelySocial